Fars

Fars استان فارس
Irango probintzia
Administrazioa
Herrialdea	Iran
ISO 3166-2	IR-07
Hiriburua	Xiraz
Geografia
Koordenatuak	29°37′30″N 52°31′54″E / 29.625°N 52.5317°E / 29.625; 52.5317
Eremua	122.608 kilometro koadro
Demografia
Biztanleria	4.851.274 bizt. (2016)
Dentsitatea	39,57 bizt/km²
Ekonomia
Langabezia-tasa	12,4 ehuneko

Fars (persieraz: استان فارس‎ Ostān-e Fārs), aspaldiko denboretan Pars edo Persia deitua, Irango 31 probintzietako bat da, herrialdeko hegoaldean. 122.608 kilometro koadroko eremua dauka, eta 2011n, 4.596.658 biztanle zituen^[1]. Hiriburua Xiraz da.

Geografia

Lurralde menditsua da, 2.000 eta 3.000 arteko gailurrekin. Zagros mendiak ipar-mendebaldetik hego-ekialdera hedaturik daude, probintzia bi gune geografikotan banatuz. Bakhtegan aintzira gaziak ureztatzen du.

Klima

Hiru gune klimatiko daude: iparraldeko gune menditsuak negu moderatuak eta uda epelak dauzka; erdialdeko guneak, negu euritsuagoak, eta uda lehorragoak izaten ditu; eta hegoaldeko guneak, negu moderatuak eta oso uda beroak izaten ditu. Xirazeko batez besteko tenperatura 16,8 °C da, eta 4,7-29,2 °C artean ibiltzen da urtean zehar.

Historia

Fars herri persiarraren jatorrizko lurraldea da (antzinako Persis), eta akemenestarren eta sasandarren inperioetako lurralde nagusia izen zen (Persepolis eta Pasargadako hondakinak).

Banaketa administratiboa

Fars probintzia 29 konderritan banaturik dago: Abadeh, Sarvestan, Jahrom, Eqlid, Rostam, Estahban, Darab, Nayriz, Bavanat, Larestan, Qir eta Karzin, Khorrambid, Lamerd, Kazerun, Fasa, Firuzabad, Zarrin Dasht, Mamasani, Shiraz, Marvdasht, Sepidan, Arsanjan, Pasargad, Kavar, Khonj, Farashband, Gerash, Kharameh eta Mohr.

Ekonomia

Aleak, fruituak, tabakoa eta opioa lantzen dira eta baita ardoa eta ehunak ere.

Erreferentziak

Ikus, gainera

• Sasandar paisaia arkeologikoa Fars eskualdean

	Txahar Mahal eta Bakhtiari	Isfahan	Yazd
	Kohkiluyeh eta Buyer Ahmad		Kerman
		Fars
	Buxehr		Hormozgan

Kanpo estekak

• Datuak: Q1004666
• Multimedia: Fars Province / Q1004666