Twyla Tharp
| Twyla Tharp | |
|---|---|
  Irudi gehiago | |
| Bizitza | |
| Jaiotza | Portland (Indiana), 1941eko uztailaren 1a (82 urte) |
| Herrialdea |  Ameriketako Estatu Batuak |
| Hezkuntza | |
| Heziketa | Barnard College Pomona College Columbia Unibertsitatea San Bernardino Valley College (en)  |
| Hizkuntzak | ingelesa |
| Jarduerak | |
| Jarduerak | koreografoa, idazlea, dantzaria eta ballet dantzaria |
| Jasotako sariak | ikusi
|
| Kidetza | Arteen eta Zientzien Ameriketako Estatu Batuetako Akademia |
| twylatharp.org | |
      | |
Twyla Tharp (Portland, Indiana, 1941eko uztailaren 1a) estatubatuar dantzaria eta koreografoa da. Dantzan hasi aurretik, musika ikasi zuen. Dantzan, Anna Pavlova dantzariarekin hasi zen, eta dantza-mota guztiak landu zituen (klakea, dantza modernoa eta abar). Paul Taylorren konpainian aritu ondoren, lehenengo koreografiak antolatu zituen: Tank Drive (1965) eta Tam (1967) abangoardiako esperimentu gisa aurkeztu ziren. Oso ondo zaintzen du musikaren eta dantzaren arteko harremana, eta ospetsu egin zen bere estilo bizia, jazz, rock eta jerkarekin nahasia, Push Comes to Shove (1977) eta Sinatra Suite (1983) lanetan. Zineman, Hair (1978), Ragtime (1980), Amadeus (1984) eta Soleil de nuit (1985, Barishnikovekin) filmetako dantzak sortu zituen. American Ballet Theatreko zuzendari artistikoa izan zen Barixnikovekin 1988tik 1989ra. Parisko operan dantza-zuzendaria zela, As Time Goes By lana gehitu zion hango errepertorioari, eta Rules of the Game (1989) sortu zuen. Isabelle Guérin eta Patrick Dupondentzat Grand Pas, Rythm of the Saints (1991) lana osatu zuen 1991n. Bestalde, hiru liburu idatzi ditu Tharpek: Push Comes to Shove autobiografia (1992), The Creative Habit: Learn It and Use It for Life (2003) eta The Collaborative Habit (2009).
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
- (Ingelesez) Twyla LTharpen web-orria
| Autoritate kontrola |
|
|---|
Datuak: Q454336
Multimedia: Twyla Tharp / Q454336
