Tewa

Tewa

Datu orokorrak
Hizkuntza sailkapena
giza hizkuntza indigenous language ^(en) Ameriketako jatorrizko hizkuntzak Kiowa-Tano
Hizkuntza kodeak
ISO 639-3	`tew`
Ethnologue	`tew`
Glottolog	`tewa1261`
IETF	tew
Endangered Languages Project	5881

Tewa AEBetako hego-mendebaldeko Pueblo komunitate batzuetan hitz egiten Kiowa-Tano hizkuntza familiako mintzaira da. Tano izenarekin ere ezaguna da^[1]. 1980ko erroldan 1.298 hiztun zeuden, ia guztiak elebidunak ingelesez.

Geografia

Mexiko Berriko Rio Grande haranean Santa Fe iparraldean hitz egiten da, honako Pueblo herrietan.

Nambe Pueblo : 50 hiztun (1980); 34 hiztun (2004)
Pojoaque Pueblo : 25 hiztun (1980)
San Ildefonso Pueblo (P'ohwhóge Owingeh ): 349 hiztun
Ohkay Owingeh : 495 hiztun (1980)
Santa Clara Pueblo : 207 hiztun (1980)
Tesuque Pueblo : 172 hiztun (1980)

Hitz egiten den herri bakoitzak dialekto propioa du.

Hizkuntza biziberritzea

Esther Martinez hizkuntzalari indigenak lan handia egin zuenn Tewa hizkuntza gordetzeko eta bere San Juan Pueblo Tewa Hiztegia 1982an argitaratu zen^[2].

Tewa hizkuntzako programak eskuragarri daude haurrentzat Tewa pueblo gehienetan^[1]. Tewaz grabatutako haurrentzako istorioak Mexiko Berriko Unibertsitateak digitalizatu ditu eta sarean daude eskuragarri.

2012ko "The Young Ancestors" film dokumentalak Santa Fe Preparatory School ikastetxeko nerabe talde bat jarraitzen du, Tewa hizkuntzaren autoikaskuntza programa batean ikasten ari direnean, Laura Kaye Eagles irakasle tutorearen laguntzarekin^[3].

Erreferentziak

↑ ^a ^b «Tewa (Tano) Language and the Tewa Indian Tribes (Nambe, Pojoaque, San Ildefonso, San Juan, Santa Clara, and Tesuque Pueblos)» www.native-languages.org (Noiz kontsultatua: 2020-12-23).
↑ (Ingelesez) «Esther Martinez: Protecting the Intangible Heritage of the Tewa People | National Trust for Historic Preservation» savingplaces.org (Noiz kontsultatua: 2020-12-23).
↑ «THE YOUNG ANCESTORS - Cinema Guild Non-Theatrical» store.cinemaguild.com (Noiz kontsultatua: 2020-12-23).