Serpula lacrymans
Serpula lacrymans | |
---|---|
Irudi gehiago | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Boletales |
Familia | Serpulaceae |
Generoa | Serpula |
Espeziea | Serpula lacrymans J.Schröt., 1888 |
Basionimoa | Boletus lacrymans |
Serpula lacrymans Serpulaceae familiako onddo espezie bat da.[1] Ez da jangarria. Onddo oso kaltegarria da, eraikuntzako zura suntsitzen duelako eta erasotzeko oso zaila delako.
Sinonimoak: Serpula destruens, Merulius domesticus, Merulius lacrymans.
Deskribapena
Karpoforoa: Zarakar lodi moduan, haragitsu-arroa, zabaldu samar, hori-laranja kolorekoa edo hori-herdoil kolorekoa, zahartzen denean oliba koloreko distirak izaten ditu. Zimurtasun edo tolestura nahiko handiak eratzen ditu, gaztetan ertz zuria izaten du.
Hanka: Ez du, gainazal osoa zurari itsatsita egoten da.
Haragia: Haritsua, zurkara, elastikoa.[2]
Etimologia: Lacrymans epitetoa latinetik dator, negar-emaile, esan nahi duen, "lacrymans" hitzetik. Malkoen antzeko tantatxoak igortzen dituelako.
Jangarritasuna
Ez da jangarria.[3]
Nahasketa arriskua
Phlebia radiata eta Merulius tremellosus delakoekin nahas daiteke, baina hauek basoan daude eta ez etxeen barruan.[4]
Sasoia eta lekua
Urteko edozein garaitan. Eraikuntzako zuraren gainean, batez ere hezetasun handia dagoen txaboletan edo egurrezko etxeetan. Oso arraroa basoan.[5]
Banaketa eremua
Kanada, Ameriketako Estatu Batuak, Kolonbia, Txile, Errusia, Kazakhstan, Malaysia, Himalaiako eremua, Japonia, Australia, Zeelanda Berria.
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 598 or. ISBN 84-404-0530-8..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 559 or. ISBN 84-282-0540-X (T. 2). ISBN: 84-282-0538-8 (O.C.)..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 322 or. ISBN 84-282-0865-4..
Kanpo estekak
- Datuak: Q1580472
- Multimedia: Serpula lacrymans / Q1580472