Petri

«Pello» orriak hona dakar. Finlandiako udalerriari buruzko artikulua hau da: «Pello (Finlandiako udalerria)»

Petri gizon izena da, latineko Petrus-etik datorrena. Izenaren beste aldaerak Peru, Pello (Peio), Petiri, Betiri eta Kepa dira.

Euskaltzaindiaren arabera,^[1] Petri izena latinetik euskarara heldu da, eta dudarik gabe kristau munduan hedadurarik handiena izan dutenetako bat dugu. Kristok berak eman zion izena lehendabiziko aita santua izango zenari: "Simon zara zu, Joanen semea, baina aurrerantzean Kefas deituko zara". Arameoko —Jesusen hizkuntzako— Kephas "haitza" Petros itzuli zuten lehenik grekoz eta Petrus geroago latinez. Erabileraren ondorioz, aldaera asko daude euskaraz: Peru, Betiri, Petiri, Pello eta, azkenik, Kepa. Azken hori Sabin Aranak eta Koldo Eleizaldek argitaratuko Santu Izendegian proposatu zen, arameoko jatorrizko Kephas-etik abiaturik.

Aita Santua

Sakontzeko, irakurri: «San Petri»

San Petri, Jesukristoren apostolua eta izenaren sortzailea da, Elizaren Katolikoaren lehenengo Aita Santua.

Erromako Eliza Katoliko, Eliza Ortodoxo eta Eliza Anglikanoaren ustetan, Simon da Petri santua, eta Erroman Elizako sorrerarekin lotzen dute, nahiz eta egungo kristautasunean honen garrantzia eta Aita Santuaren nagusitasuna zehazterakoan bat ez etorri. Batzuek argudiatzen dute bere nagusitasuna ohorezkoa baino ez zela, hau da, berdinen artean burua. Batzuen irudikoz, nagusitasun hori ez zen ondorengoei igarotzekoa.

Petri da Euskaltzaindiak araututako izena, lehenengo Aita Santua izendatzeko.^[2]

Jaieguna

Jaieguna ekainaren 29an da.

Pertsonaia ezagunak

Petri I.a Nafarroakoa (1068-1104)
Petri I.a Gaztelakoa (1334-1369)
Petri I.a Errusiakoa (1672–1725)

Aldaera guztiak

Petri izenarekin hasten diren artikulu guztiak, Petri izeneko pertsonaiak barne
Pello izenarekin hasten diren artikulu guztiak, Pello izeneko pertsonaiak barne
Peio izenarekin hasten diren artikulu guztiak, Peio izeneko pertsonaiak barne
Peru izenarekin hasten diren artikulu guztiak, Peru izeneko pertsonaiak barne
Piarres izenarekin hasten diren artikulu guztiak, Piarres izeneko pertsonaiak barne
Kepa izenarekin hasten diren artikulu guztiak, Kepa izeneko pertsonaiak barne

Pedro izenarekin hasten diren artikulu guztiak, Pedro izeneko pertsonaiak barne
Pierre izenarekin hasten diren artikulu guztiak, Pierre izeneko pertsonaiak barne