Nicolás de Miguel

Nicolás de Miguel
Bizitza
Jaiotza	Donostia, 1963ko uztailaren 20a (60 urte)
Herrialdea	Gipuzkoa, Euskal Herria
Hezkuntza
Heziketa	Deustuko Unibertsitatea
Hizkuntzak	gaztelania euskara
Jarduerak
Jarduerak	politikaria
Sinesmenak eta ideologia
Alderdi politikoa	Herritarrak

Nicolás de Miguel Vélez (Donostia, Gipuzkoa, 1963ko uztailaren 20a) politikaria da, UPD alderdikoa. Deustuko Unibertsitatetik Historian lizentziatua, Gehitu gizarte mugimenduaren partaide ere bada. 2005 urtera arte Noticias de Navarra egunkarian idatzi zuen, nazioarteko gaiei buruz. 2011ko udal hauteskundeetan Donostiako alkatetzarako hautagai izan zen UPD alderdiarekin; 1248 boto eskuratu zituen (% 1,48), eta zinegotzi izatea ere ez zuen lortu. 2011ko uztailean UPDko lurralde koordinatzaile izendatu zuten Euskal Autonomia Erkidegoan. 2012ko Eusko Legebiltzarrerako hauteskundeetan Gipuzkoako UPD alderdiko zerrendaburua izan zen; 5.241 boto (% 1,48) eskuratu zituen, eta ez zuen jarlekua lortu. 2013ko abuztuan alderdia uztea erabaki zuen, UPD "sekta-aparatu" bilakatu zela adierazita. Hiritarrak - Hiritargoaren Alderdia alderdian sartu eta handik gutxira, 2014 urtean, alderdiaren Euskadiko bozeramale izendatu zuten. 2016 urtean Eusko Legebiltzarrerako hauteskundeetan alderdi horrek proposaturiko lehendakarigaia izan zen. Hiritarrak alderdia ez zuen errepresentaziorik lortu hauteskunde hauetan. Porrot honen ondoren De Miguel Torremolinoseko udal hauteskundeetan hautagaia izan zen alderdi berberan.^[1] De Miguelekin Hiritar alderdiak 4 zinegotzitik 2ra pasa zen Torremolinosen. 2019ko urrian Hiritarrak alderdia utzi zuen.^[2]

Erreferentziak

↑ De candidato a lendakari a alcaldable de Ciudadanos en el sur, urtarrilaren 29an - El Plural
↑ De Miguel deja Ciudadanos y pasará al Gobierno de Torremolinos 2019ko urriaren 16a Malaga Hoy