Matikoko geltokia

Matiko
Matikoko igogailua eta geltokiaren eraikina Tiboli kaletik.
Kokapen mapa
Lineak
Geltoki-burua ◄    ► Uribarri »⁠ Geltoki-burua ◄    ► Uribarri »⁠ Geltoki-burua ◄    ► Uribarri »⁠ « Ola ◄    ► Uribarri »⁠ Geltoki-burua ◄    ► Uribarri »
Kokapena
Helbidea	Tiboli kalea, 30; Artatzamina kalearekin izkina; 48007
Udalerria	Bilbo,  Bizkaia
Geltokiaren datuak
Gunea	1. gunea
Irekiera	2017ko apirilaren 8a
Itxiera	2010eko maiatzaren 15
Irisgarria
Zerbitzuak
Aldageltokia
Nasak	2
Trenbideak	2
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	Bilbo ↔ Donostia   Bilbo ↔ Elgoibar   Kukullaga ↔ Lezama   Bilbo ↔ Bermeo
Metroa	Matiko ↔ Kukullaga
Bilbobus	22  Sarrikue - Atxuri 28  Uribarri - Altamira 72  Larraskitu - Castaños G1  Arabella - Moyua G8  Arangoiti - Plaza Biribila
Bestelakoak	Funikularreko plaza   Artxandako funikularra

Matiko Bilboko metroaren 3. lineari eta Euskotrenen E1, 1D eta E3 lineei dagokien lurpeko geltokia da, Bilboko izen bereko auzoan eraikita dagoena. Gaur egungo geltokia Metroaren 3. linea irekitzearekin batera jarri zen martxan, 2017ko apirilaren 8an, eta Bizkaiko Garraio Partzuergoaren 1. tarifa-gunearen barruan dago.^[1]

Geltokiak 5 minutura 2.898 biztanleri, eta 10 minutura 13.074 bizilagunei ematen die zerbitzu.^[2]

Sarbideak

•     Tiboli kalea, 30; Artatzamina kalearekin izkina
•       Tiboli kalea, 21

Historia

Geltokiaren eraikitze-lanak 2009ko udaberrian hasi ziren.

2010eko maiatzaren 15a arte lurgaineko geltokia zegoen, Euskotrenek ustiatuta, Txorierriko lineari zegokion geltokia izanik. Metroaren 3. linea eraikitzeko lanak zirela eta, Txorierriko linearen Deustu-Zazpikaleak tartea itxi zen, tarte horren barruan Matikoko geltokia dagoela, eta bere ordez Loruriko geltokia berrireki zen Bilbo eta Txorierri arteko trenbidean.

2008an Esteyco enpresak geltoki berria eraikitzeko azterlana aurkeztu zuen.^[3]

Geltokia ireki aurretik, 2016ko ekainaren 10ean, Tiboli kaleko behealdea eta geltokiko bestibuluaren kanpoaldea (Tiboli eta Artatzamina kaleen arteko gurutzebidean) lotzen dituen igogailua ireki zen.^[4]

2017ko apirilaren 8an lurpeko geltoki berria martxan jarri zen, Metroaren 3. linea irekitzearekin batera, eta Euskotrenen E3 linea ere geltokitik pasaraziz. Geltoki berriak irisgarritasuna bermatzen du. Geltoki eta trenbide zaharrak, eraitsiak izan zirenak, oinezkoentzako ibilbide bihurtu zituzten.

2017ko ekainaren 19an Euskotrenen linea aldaketa gauzatu zen eta ordutik E1 eta 1D lineek ere geltokian geldialdia egiten dute.

2017ko abenduaren 4an txartel-salmenta makina automatiko berriak ezarri ziren geltokian, mugikortasun urriko pertsonentzako irisgarritasun materian estandarrak bete, entzuteko desgaitasuna duten pertsonentzako T moduko bukle magnetikoa, Braille serigrafiak interakzio elementu guztietan (botoiak, txarteldegiak, eta abar), eta itsumen eta ikusteko desgaitasun handia duten pertsonei egokitutako salmenta softwarea dutenak.^[5]

Etorkizuna

Etorkizunean Euskotrenen E4 lineako trenak Bilboko metroaren 3. lineatik pasatzea espero da, Metro linea elikatzeko eta hala 7,5 minutuko maiztasuna mantentzeko.^[6] 2018ko irailerako aurreikusita zegoen arren, oraindik ez da aldaketa egin.

Lotuneak

Geltokiaren kanpoaldean, Tiboli kalearen behealdean, Funikularraren plazarekin lotzen duen igogailua dago, Artxandako funikularraren beheko geltokiarekin lotura dagoela.

Bestalde, Bilbobus zerbitzua hornitzen duten hiru autobus geraleku daude. Hurrengo lineak geralekuetatik pasatzen dira:

Ricardo Arregui 33

i e a Bilbobus 22  Atxuri → Sarrikue

Dieciséis de Agosto • Ribera / Merkatua • Viuda de Epalza 1 / San Nicolás • Ernesto Erkoreka / Udaletxea • Campo Volantín 13 • Tiboli 12 • Ricardo Arregui 33 • Trauko (5) • Izaro Mendia 8 • Aldamiz Mendia / Telefónica • Vía Vieja de Lezama / Nueva Aurora • Vía Vieja de Lezama 59 • Vía Vieja de Lezama 35 • Zurbaranbarri • Andramaria • Arabella • Sarrikue

1. ↑ Bizkaiko Garraio Partzuergoa. «Bizkaiko garraio publikoaren gune sistema» (Noiz kontsultatua: 2017-03-12).
2. ↑ (Gaztelaniaz) Vocento, elcorreo.com -. Estación de metro de Zurbaranbarri: Estaciones de la línea 3 de Metro Bilbao | EL CORREO. (Noiz kontsultatua: 2017-05-10).
3. ↑ Esteyco. «Estación de Matiko en Bilbao» (PDF) (Noiz kontsultatua: 2013-02-10).
4. ↑ Eusko Jaurlaritza Irekia. «Zabaldu da jendearentzat Artasamina eta Tiboli kaleen arteko maila aldaketa gainditzen duen Matikoko igogailua» (Noiz kontsultatua: 2016-06-16).
5. ↑ Irekia. «Irekia - Euskotrenek salmenta automatikoko sistema ikusteko desgaitasuna duten pertsonentzako egokitu du» www.irekia.euskadi.eus (Noiz kontsultatua: 2018-09-04).
6. ↑ (Gaztelaniaz) ETS inicia el proceso para prolongar el tranvía desde Atxuri hasta Bolueta. Deia, Noticias de Bizkaia. (Noiz kontsultatua: 2017-05-30).