Lycaena phlaeas

Lycaena phlaeas
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Lycaenidae
Generoa	Lycaena
Espeziea	Lycaena phlaeas Linnaeus, 1761
Datu orokorrak
Ostalaria	Mingarratz handi, Mingarratz txiki, Rumex crispus, Rumex nepalensis, Oxyria digyna, Rumex longifolius, Rumex eta Rumex bequaertii
Zabalera	25,5 mm

Lycaena phlaeas Lycaenidae familiako tximeleta espezie bat da. Hainbat tokitan kobre tximeleta izena ere ematen zaio. Eremu holartiko guztian aurkitzen da, Europan, Asian, Ipar Amerikan eta Afrika iparraldean.

Lineok deskribatu zuen 1761. urtean.

Tximeleta txikia da, 25'5 mm-tako hegal zabalra du. Aurreko hegalak laranja kolorekoak dira eta ertza marroi iluna dute, hortik datorkio "kobre" deitzea. Hegoaren zati laranjan zortzi edo bederatzi puntu beltz ditu. Atzeko hegalak ilunak dira eta ertz laranja dute. Tximeleta eme batzuek puntu urdinak dituzte atzeko hegaletan^[1].

Hegoen azpialdeak gainaldeen patroia jarraitzen dute baina apalagoak dira, marroi-grisak. Hauek ere puntu beltz batzuk dituzte.

Beldarrak berdeak dira. Beldar batzuek kolore moredun marrak dituzte^[2].

Landareen hostoen azpialdean jartzen dituzte arrautzak. Beldarrak landare horretaz elikatzen dira eta "lehio" itxurako zuloak egiten dituzte, hostoaren gaieko epidermisa jan gabe utziz. Ekainetik aurrera azaltzen dira tximeletak. Bi edo hiru tximeleta belaunaldi ikus daitezke urtean, kasu batzuetan lau ere bai^[2].

Toki askotan aurkitzen da, itsas-labarretan, basoetako irekigunetan, sasitzatan eta parkeetan. Itsas mailatik 2.500 metrotako altuerara bizi da^[3].

• 
  Tximeletaren gainaldea.
• 
  Hegalen azpialdea.
• 
  Arrautza.
• 
  Beldarra.

• Datuak: Q740169
• Multimedia: Lycaena phlaeas / Q740169
• Espezieak: Lycaena phlaeas