Kastroen kultura
Kastroen kultura (galizieraz: cultura castrexa, portugesez: cultura castreja, asturieraz: cultura castriega, gaztelaniaz: cultura castreña) Iberiar Penintsulako ipar-mendebaldean (iparraldeko Portugalen, Galizian, mendebaldeko Asturiasen eta ipar-mendebaldeko Leónen) Brontze Aroaren amaieratik (c. k .a. IX. mende inguru) erromatartua izan zen arte (c. k .a. I. mendea) zegoen kultura zeltaren izen arkeologikoa da. Kultura honen ezaugarri nagusiak honakoak dira: harresiz inguratutako herriak, castros deituak, eta ageriko hilobi-ohituren eskasia, haitzetan, ibaietan edota beste lekuetan ezpata edota beste metalezko tresnak askotan utzi arren.[1][2] Bere eremu kulturaleko mugak Cares (ekialdean) eta Duero (hegoaldean) ibaien haranetan jarri izan dira historiografian duela gutxi arte, baina azken urteetan, ekialdeko muga, Asturias probintziako erdi-ekialdera (Navia ibaia) mugitu dute ikerlariek[3].
Nahiz eta beste leku askotan, herri hizkeran "kastro" izena ematen zaien gune arkeologikokoak egon, horiek ezin dira kultura arkeologiko zehatz honen barne sartu[3].
Dena den, arkeologo eta historialari batzuek, Kastroen kultura eremu geografiko zabalgo batean kokatzen dute.
Erreferentziak
- ↑ Rodríguez-Corral, Javier. (2009). A Galicia Castrexa. Lóstrego, 13 or. ISBN 978-84-936613-3-5..
- ↑ Comendador Rey, Beatriz. «Space and memory at the mouth of the river Ulla (Galicia, Spain)» Archaeopress in: Conceptualising Space and Place: On the role of agency, memory and identity in the construction of space from the Upper Palaeolithic to the Iron Age in Europe..
- ↑ a b «Tesauros - Diccionarios del patrimonio cultural de España - Cultura Castreña» tesauros.cultura.gob.es (Noiz kontsultatua: 2024-04-14).
Bibliografia osagarria
- Maluquer de Motes, Joan (2000). «Formación y desarrollo de la cultura castreña». Pyrenae, 2000, 22 lib., 215-230 or.
- Morillo Cerdán Ángel (1997). "Un siglo de historiografía sobre cultura castreña en la Cantabria histórica". Lancia: revista de prehistoria, arqueología e historia antigua del noroeste peninsular, 1137-8034, 2, 1997, 111-128 or.
- González Álvarez, David (2011). "De la cultura castreña al mosaico castreño: una aproximación en términos sociales a la variabilidad de las formas de poblamiento de las comunidades castreñas del noroestepeninsular y orla cantábrica". Estrat Crític 5. lib., 1 (2011): 213-226 or.
Kanpo estekak
- Datuak: Q1049966
- Multimedia: Castro culture / Q1049966