Karamelu

Karamelua azukrea egosiz prestatzen den janaria da, beste janariei zapore gozoa emateko erabiltzen dena. Egosketa 170 °C graduko teneperaturan egiten da; horrela, azukrea urtu eta likido marroi bat eskuratzen da. Hozten denean, gogortu egiten da.

Almibar eta karamelu puntuak

Jarabe arin puntua

Azukrea: 500 g. Ura: 100 ml.

Jarri horiek denak batera egosten 10 minutu inguruan, 100ºC edo 22-24ºBé gradu lortu arte.

Ispilu edo jarabe puntua

Azukrea: 600 g. Ura: 400 ml.

Jarri batera irakiten minutu batzuetan 102ºC edo 28-30ºBé lortu arte.

Hari ahul puntua

Azukrea: 700 g. Ura: 300 ml.

Batera egosi 104-105ºC edo 32-34ºBé lortu arte. Puntu honetan dagoela jakiteko beste modu bat. Hatz erakusle eta lodiaren artean almibar pittin bat jarri eta estutu, ondoren behatzak ireki eta itxi egingo dira azkar. Almibarra puntu horretan dagoela esateko puskatuko den hari fin bat sortu beharko du.

Hari puntua

Azukrea: 800 g. Ura: 200 ml.

Batera egosi 110-112 ºC edo 36-38 ºBé lortu arte. Puntu honetan dagoela jakiteko, hatz erakusle eta lodiaren artean almibar pittin bat jarri eta estutu, ondoren behatzak ireki eta itxi egingo dira azkar. Almibarra puntu horretan dagoela esateko puskatuko ez den hari fin bat sortu beharko du.

Bola ahul puntua

Azukrea: 820 g. Ura: 180 ml.

Batera egosi 115-118ºc edo 39ºBé lortu arte. Puntu honetan dagoela jakiteko, almibar tanta bat utzi ur hotzetan erortzen, behatz erakusle eta lodiarekin hartu eta bola bat egiten saiatu. Bola bigun bat egin beharko da. Beste aukera bat bitsadera almibarrean busti, eta bere zuloetatik putz egitea izango da. Globo txikiak egin beharko dira.

Bola puntua

Azukrea: 920 g. Ura: 80 ml.

Batera egosi 122- 124 ºC lortu arte. Puntu honetan dagoela jakiteko, almibar tanta bat utzi ur hotzetan erortzen, behatz erakusle eta lodiarekin hartu eta bola bat egiten saiatu. Bola gogor bat egin beharko du.

Karamelu argi puntua

Azukrea: 950 g. Ura: 50 ml.

Batera egosi 128-135 ºC lortu arte.

Karamelu ilun puntua

Azukrea: 960-975 g. Ura: 25-40 ml.

Batera egosi 140-155ºC lortu arte.

Kanpo estekak

• Datuak: Q183440
• Multimedia: Caramel / Q183440