Izterreko trizeps
- Artikulu hau izterrekoaren muskuluari buruzkoa da; beste esanahietarako, ikus «trizeps».
Izterreko trizeps | |
---|---|
![]() ![]() | |
Xehetasunak | |
Honen parte | superficial part of posterior compartment of leg (en) ![]() |
Konponenteak | Muskulu gastroknemioa muskulu soleoa |
Jatorria | izterrezurra Berna-hezurra Fibula |
Insertzioa | Orpazurda Kalkaneoa |
Arteria | posterior tibial artery (en) ![]() |
Nerbioa | Nerbio tibial |
Muskuluaren akzioa | plantarflexion (en) ![]() |
Identifikadoreak | |
Latinez | musculus triceps surae |
TA | A04.7.02.043 |
FMA | 51062 |
Terminologia anatomikoa |
Giza anatomian, izterreko trizeps, baita trizeps sural edo trizeps femorala ere, zangoan dagoen muskulua da.[1]
Zangoko gihar bikiek (barnekoak eta kanpokoak), soleoak eta oinzolako muskuloak, muskulu plantarrak, osatutako giharra da. Gihar honen eginkizuna funtsezkoa da ibiltzerakoan, oina luzarazi eta orpoa altxarazten baitu.[2]
Jatorri eta ezarpena
Soleoa
Osagai sakonena da. Peroneo buruaren eta tibiaren atzeko aurpegian izango du jatorria, bertan, bere lerroa/ildo uzten duelarik, soleoaren lerroa hain zuzen ere. Lerro honetan arku bat egiten du, nerbio eta arteria tibiala igaro ahal izateko. Bestalde, ezarpenaren aldetik, muskulu honen zuntzak, kalkaneoaren tuberositatera heldu eta akilesen tendoiarekin bat egiten dute [3]
Biki muskuluak
Biki muskuluak edota gastronemioak femurraren kondilotik datoz,bertan dute jatorria. Izterraren atzeko muskuluarekin elkartzean, erronbo itxurako egitura bat osatuko dute, belaunaren atzealdea izango dena. Bestalde, ezarpena akilesen tendoiarekin batera kalkaneora heltzen dira.
Oinzolako muskulua
Inkonstantea da, hau da, ez da pertsona guztietan aurkitzen. Jatorriari dagokionez, femurraren epikondilo lateralean izango du muskulu honek. Gihar gutxiko muskulua izango denez, berehala tendoi luze batean bihurtzen da. Aurrekoek bezala, akilesen tendoiarekin bat egingo du bere ezarpenean, kasu honetan, erdialdetik.
Funtzioak
Orokorrean, trizeps suralaren funtzioa flexio plantarra burutzea eta orkatila plano transbertsalean egonkortzea da. Bere osagaiek, mugimendu hauetan modu ezberdin batean jokatzen dute. Soleoak, adibidez, inbertsioa eragiten du. Bestalde, bikiek, tolespen plantarra eta inbertsioa egiteaz gain, femurrera heltzen direnez, belaunaren tolespena ere egiten dute, baita hanka puntetan jartzea ere. Azkenik, oinzolako muskuluak soleotik tiratzen duenez, belauna tolestean, soleoaren arkua mantentzen laguntzeaz gain, nerbioak, arteriak eta zainak bertan harrapatuta ez gelditzen ere laguntzen du [4].
Irudi gehigarriak
- Biki muskuluak
- Soleoa
- Zangoaren zeharkako mozketa
- Alboko ikuspegia
- Nerbio, arteria eta zainak
Erreferentziak
- ↑ Lippert, Lynn S.. (2006). Clinical kinesiology and anatomy. (4. argitaraldia) Philadelphia: F. A. Davis Company, 126–7 or. ISBN 978-0-8036-1243-3..
- ↑ Lur entziklopedietatik hartua.
- ↑ DAUBER. FENEIS. NOMENCLATURA ANATÓMICA ILUSTRADA. Ed. Masson. Ed. 5°. 2006.
- ↑ GILROY / McPHERSON / ROSS. PROMETHEUS. ATLAS DE ANATOMÍA. Ed. Médica Panamericana. Ed. 2° 2013.
Ikus, gainera
Kanpo estekak
Datuak: Q431282
Multimedia: Triceps surae / Q431282