Gladys saria

Gladys saria

Saritutakoa	Emakume gazteen informatika-ibilbidea
Babeslea	Donostiako Informatika Fakultatea, Puntueus eta Gipuzkoako Foru Aldundia
Kokalekua	Donostia
Herrialdea	Euskal Herria
Lehen sari banaketa	2021
Webgune ofiziala	https://gladyssaria.eus]

Gladis saria ingurune digitaleko emakumeak saritzeko asmoz Puntueus fundazioak eta EHUko Informatika Fakultateak 2021an sortu zuten zientzia-saria da, Gipuzkoako Foru Aldundiko Berdintasunerako Organoaren babesarekin. Emakume gazteak informatika alorrera erakartzea dute helburu.^[1]^[2]

Sarituak

2021: Ane Iturzaeta Agirre
2022: Olatz Perez de Viñaspre. Epaimahaiak aho batez hartu zuen erabakia, eta irabazlearen «ibilbide akademiko oparoa» eta «gizarte erronka handiei» erantzuteko egiten duen lana azpimarratu zuen.^[3]^[4]
2023: Amaia Abanda Elustondo. Matematika ikasi zuen Bartzelonako Unibertsitate Autonomoan, ondoren, Konputazio Ingeniaritza eta Sistema Adimentsuko (KISA) masterrean 2015ean espediente onenaren saria jaso zuen Informatika Fakultatean. BCAM zentroan eta fakultate horretako Intelligent System Group taldean burutu zuen tesiarekin 2022an CAEPIA elkarteko tesi proiektu onenaren aipamena jaso zuen.^[5]^[6]
2024: Lorea Argarate Zubia. Ekintzailetasuna, dibulgazio lana eta ibilbide aberatsa nabarmendu zituen epaimahaiak. ^[7]^[8]

Erreferentziak

↑ Teyseyre Koskarat, Oihana. (Teyseyre). «Gladys sariak sortu dituzte, ingurune digitaleko emakumeak saritzeko» Berria (Noiz kontsultatua: 2021-04-30).
↑ Arbelaitz Gallego, Olatz. (2021-05-29). «Gladys saria: esparru digitalean erreferente femeninoak sortzen» GAUR8 (Noiz kontsultatua: 2022-01-09).
↑ «Olatz Perez de Viñasprek jasoko du II. Gladys Saria» El Diario Vasco 2022-09-12 (Noiz kontsultatua: 2022-09-12).
↑ «Olatz Perez de Viñaspre Garralda :: Inguma - Euskal komunitate zientifikoaren datu-basea» www.inguma.eus (Noiz kontsultatua: 2024-09-16).
↑ «Amaia Abanda garaile Gladys Sariaren III. edizioan» UPV/EHU (Noiz kontsultatua: 2023-09-22).
↑ Jauregi, Itsaso. (2023-09-22). ««Legea eta gizartea baino bi pauso aurrerago dago teknologia»» Berria (Noiz kontsultatua: 2023-09-22).
↑ SL, TAI GABE DIGITALA. (2024-09-16). «Lorea Argarate Zubia teknologo, dibulgatzaile eta musikariak jasoko du Gladys saria» naiz: (Noiz kontsultatua: 2024-09-16).
↑ «Lorea Argarate Zubia :: Inguma - Euskal komunitate zientifikoaren datu-basea» www.inguma.eus (Noiz kontsultatua: 2024-09-16).