Geroa Bai
| Geroa Bai | |
|---|---|
 | |
| Buruzagia | Uxue Barkos |
| Sorrera | 2011 |
| Egoitza nagusia | Erriberri kalea, 42 - 31002 Iruñea |
| Ideologia politikoa | Aurrerakoitasuna abertzaletasuna euskaltzaletasuna ekologismoa nafartasuna euskalerrizaletasuna Foruzaletasuna Konfederalismoa |
| Kideak | Geroa Nafarroako Sozialberdeak Europan EAJ Atarrabia Taldea Zabaltzen |
| Eserlekuak erakundeetan | Nafarroako Parlamentuan 9 / 50 Zinegotziak Nafarroan 59 / 1.889 |
| www.geroabai.com | |
Geroa Bai EAJ alderdiak, Zabaltzen elkarteak eta Atarrabia Taldeak Nafarroa Garaian sortutako koalizio politikoa da. 2011ko irailaren 30ean aurkeztu zuten, Iruñean.[1] Koalizioaren sorrera Nafarroa Bai koalizioan geratu ziren eragileek sustatu zuten, Batzarre, lehenik, eta Eusko Alkartasuna zein Aralar, ondoren, aurreko koalizio hartatik kanpo geratu ostean.
Geroa Bai 2011ko Espainiako hauteskunde orokorretan aurkeztu zen Nafarroako Foru Erkidegoan, eta 42.411 boto eskuratu zituen (botoen % 12,84). Emaitza horren ondorioz, Uxue Barkosek eserleku bat eskuratu zuen Espainiako Diputatuen Kongresuan.
2014ko azaroaren 16an, Uxue Barkos eta Itziar Gomez hautagaiak aurkeztu zituen alderdiak.[2] 2015eko Nafarroako Parlamenturako hauteskundetan bigarren indarra bilakatu zen Nafarroako Parlamentuan, 9 eserleku lortu ondoren.[3]
2017ko uztail erdialdean, Espainiako Kontuen Auzitegiak, lehenago hainbat epaitegik ere hala baieztatuta, baztertu egin zuen Uxue Barkos alderdiko buruzagiaren kontra Iustitia et Veritas elkarteak jarritako arauz kanpoko kobrantzen salaketa, alderdiak hasieratik hori faltsukeria zela argudiatu zuen bezala. Alderdiak gezurrezko salaketen bidez Barkosen jarduera 'zikintzea' leporatu zion UPNri, "dietak bidezkoak izanik ere".[4] Egun batzuk lehenago, Mayor Orejak (Geroa Bai buru duen) Nafarroako Gobernuaren "zati bat ETArena" dela adierazi zuen, eta alderdiak gogor gaitzetsi zuen PPko politikaria, baita gobernu horren kontra etengabeko gezurretan aritzea leporatu ere.[5]
2020ko abenduan, Geroa Bai koalizioa indartu nahian, Euzko Alderdi Jeltzalerekin eta Zabaltzen, Atarrabia Taldea eta independenteetako gainerako kideekin batera, Geroa alderdia sortu zuten, Uxue Barkosen buruzagitzapean[6]
Hauteskundeetako emaitzak
Nafarroako Parlamentua
| Data | Botoak | Aulkiak | Egoera | Postua | |||
|---|---|---|---|---|---|---|---|
| # | % | ±ep | # | ± | |||
| 2015 | 53,497 | %15.83 | +0.43a | 9 / 50 |  1a (7b) | Gobernua | 2.a |
| 2019 | 60,323 | %17.32 | +1.49 | 9 / 50 |  0 | Gobernua | 3.a |
a 2011n Nafarroa Bai 2011k lortutako emaitzekin alderatuta, Aralar barne izanik.
b 2011-2015 legealdian EAJ eta Zabaltzen taldeek zituzten eserlekuekin alderatuta.
Espainiako Gorte Nagusiak
Nafarroa
|
| ||||||||||||||||||||||||||||||||||||||||||||||||||||||||||||||||||||
- * Cambio-Aldaketa hautagaitzan (2015ean laugarren senataria, bigarren indarra UPN-PPren atzetik, eta 2019an hirugarren indarra senataririk gabe).
Erreferentziak
- ↑ 'Geroa Bai' izena du Zabaltzen eta Nafarroako EAJren koalizioak. Andoain: Berria (Noiz kontsultatua: 2011/09/30).[Betiko hautsitako esteka]
- ↑ «Uxue Barkos eta Itziar Gomez hautagaiak aurkeztu ditu Geroa Baik», Berria, 2014-11-16.
- ↑ «Nafarroan aldaketa begiztatzen da», EITB.eus, 2015-5-24.
- ↑ «Uxue Barkosek jasotako dietak "bidezkoak izan dira eta ez zuten irregulartasunik"» Euskalerria Irratia (Noiz kontsultatua: 2017-07-19).
- ↑ «Mayor Oreja: "Nafarroan, gobernuaren zati bat ETArena da"» Berria (Andoain) 2017-07-12.[Betiko hautsitako esteka]
- ↑ (Gaztelaniaz) Noticias, Diario de. «Geroa Socialverdes nace con el reto consolidar la alternativa a la derecha en Navarra» www.noticiasdenavarra.com (Noiz kontsultatua: 2022-01-31).
Ikus, gainera
Kanpo estekak
| Autoritate kontrola |
|
|---|
Datuak: Q620781
Multimedia: Geroa Bai / Q620781
 | Nafarroako Foru Erkidegoko alderdi politikoak | |
|---|---|---|
| Nafarroako Parlamentuan ordezkaritza duten alderdi politikoak: Ikus, gainera: | ||
