Fernando Higueras

Fernando Higueras
Irudi gehiago
Bizitza
Jaiotza	Madril, 1930eko azaroaren 26a
Herrialdea	Espainia
Heriotza	Madril, 2008ko urtarrilaren 30a (77 urte)
Familia
Familia	ikusi Jesús Higueras Esteban ^(en) (iloba)
Hezkuntza
Heziketa	Madrilgo Unibertsitate Politeknikoa
Hizkuntzak	gaztelania
Jarduerak
Jarduerak	arkitektoa
Lan nabarmenak	ikusi Town Hall of Ciudad Real ^(en) Iglesia de Santa María de Caná ^(en) Spanish Cultural Heritage Institute ^(en) Edificio Serrano 69 ^(en) Edificio Castellana 266 ^(en) Edificio para la Cooperativa de Viviendas Militares ^(en) Ciudad Aljarafe ^(en) Rascainfierno ^(en)

Fernando Higueras (Madril, 1930 - Madril, 2008ko urtarrilaren 30a) espainiar arkitektoa izan zen.

Bizitza

Madrilen egin zituen ikasketak. Artezalea izanik, pintura-, eskultura- eta argazki-lehiaketa eta erakusketa askotan parte hartu zuen, baita sari eta aipamen asko jaso ere. Antonio Fernández Alba, Antonio Vázquez de Castro, Francisco Íñiguez de Onzoño, Antonio Miró, Juan Daniel Fullaondo eta Rafael Moneorekin batera, Madrilgo Eskola mugimenduko kide izan zen, baina irizpide batasunik ezean, taldeak ez zuen lan askorik egin.

Egin zituen lanen artean, aipagarriak dira, adibidez, lehenengoen artean, Hamar artistentzako etxeak (1960) eta Lucio Muñozen etxea (1962-1963). Bigarren horretan, Antonio Miróren lankidetzarekin egina, oso jarrera oparoa eta barrokoa erakutsi zuen, materialen erabilerari dagokionez. Beste obra batzuetan formaren adierazpenari eman zion lehentasuna, mugimendua birsortuz (1065, Madrilgo Zaharberritze Lanetarako Etxea), edo hormigoia espresionismoaren ezaugarrien arabera erabiliz (1967-1975, Militarren patronaturako etxebizitzak).

Espainiatik kanpo egindako lanen artean, aipagarriak ditu, adibidez, Monte-Carloko erabilera anitzetarako eraikuntza (1969) edota Abu Dhabiko denda eta etxebizitza auzoak (1980). Parque del Sol Guadalminako turismoguneak eta Ocharan etxeak muntaketa estrukturalaren aberastasuna erakusten dute. Hirigintza lanetan ere sari asko irabazitakoa da. Aipagarria da, beste lan askoren artean, Lanzaroteko hirigintza proiektua (1969, New Yorkeko Arte Modernoaren Museoan erakusgai).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Fernando Higueras

Autoritate kontrola	Wikimedia proiektuak Datuak: Q5444762 Multimedia: Fernando Higueras / Q5444762 Identifikadoreak WorldCat VIAF: 96210011 ISNI: 000000011478107X BNE: XX948182 CANTIC: a11427826 GND: 123969573 LCCN: n82212337 SUDOC: 194639665 ULAN: 500074896 UB: a1281809 Hiztegiak eta entziklopediak Lur: 02813/eu_h_2017/h2017 DBE: url Arkitektura COAM: 0701