Ereinoztxoa (Daphne mezereum) Timeleazeoen familiako lantza punta egiturako hosto galkorrak, eta gorri edo arrosa koloreko lore oso usaintsuak dituen zuhaixka da.
Deskribapena
Metro erditik gorako altuera hartzen duen zuhaixka da, 1'5 metro ere har dezakeena. Adarren azala grisa da. Hostoak lanzeolatuak dira, 3-8 cm luze tea 1-2 cm zabal direnak, berdeak eta bigunak dira. Espiralean kokatzen dira adarrean zehar.
Udaberrian adarretako kimu txikietatik lore arrosak ateratzen dira, lau petalodunak. Lore txiki ugari multzotan ateratzen dira, bakoitzak 10-15 mm neurtzen dute eta oso usaintsuak dira. Haietatik ateratzen den fruitua baia gorria da 7-12 mm diametroa duena. Fruitu hauek pozointsuak dira gizakientzat, txori fruitujaleek ordea irensten dituzte eta haziak barreiatzen dituzte horrela[1].
Bizitokia
Europako eta Siberiako baso ezkoetan hazten da.
Erabilera
Ohar medikoaOharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Haren azalarekin egindako edabea heste-aringarri gisa erabili izan da herri sendagintzan.[2]
Iruditegia
Loreak ateratzen.
Hostoak.
Fruitu multzoak.
Erreferentziak
↑«Oxford University Plants 400: Daphne mezereum» herbaria.plants.ox.ac.uk(Noiz kontsultatua: 2024-03-17).