Blanka Frantziakoa
Blanka Frantziakoa | |
---|---|
![]() ![]() | |
Bizitza | |
Jaiotza | Jaffa, 1253 (egutegi gregorianoa) |
Herrialdea | ![]() |
Heriotza | Paris, 1320 (egutegi gregorianoa) (66/67 urte) |
Hobiratze lekua | Cordeliers Convent (en) ![]() |
Familia | |
Aita | Luis IX.a Frantziakoa |
Ama | Margarita Proventzakoa |
Ezkontidea(k) | Fernando de la Cerda (1269 (egutegi gregorianoa) - |
Seme-alabak | ikusi
|
Anai-arrebak | ikusi
|
Leinua | Kapet etxea |
Hezkuntza | |
Hizkuntzak | frantsesa |
Jarduerak | |
Jarduerak | printzesa eta infanta (en) ![]() |
![]() ![]() |
Blanca de Francia (frantsesez: Blanche de France; Jaffa, Israel, 1253 – Paris, Frantzia, 1320) frantziar printzesa, Luis IX.a Frantziakoaren alaba eta Gaztelako infanta, Fernando de la Cerda Gaztelako erregegaiarekin ezkontzeagatik. Alfontso X.a Gaztelako Jakituna aitaginarreba izan zuen.[1][2][3]
Bizitza
Luis IX.a Frantziako erregearen eta bere emazte Margarita Proventzakoaren alaba izan zen. Jaffan (Palestina) jaio zen 1253an, aita Luis IX.a Frantziakoak (San Luis) antolatutako lehenengo Gurutzadan. [4]
1269an Fernando de la Cerdarekin ezkondu eta sei urtera hil zen bere senarra, Ciudad Realen. Bere aitaginarreba Alfontso X.a Gaztelako Jakitunak, bere bigarren semearen presiopean, Blanka Frantziakoaren seme Alfontso eta Fernandoren eskubideak, de la Cerda Infanteak izenez ezagutzen zirenak, laga behar izan zituen. Orduan, Alfontso X.a Jakitunak eta noble talde batek borroka egin zuten. Erregeak ondorengotza Alfonso de la Cerda infantearen esku uzteko asmo ugaria izan arren, oinordeko seme gazteena zen Antso IV. Gaztelakoa izendatu zuen, gizon heldu baten laguntza behar zuelako, erreinua inbaditu zuten marindarren aurkako borrokan.
Bere semeak, osaba Antsok bere eskubideak kendu zizkielarik, eta hasiera batean bere aitaginarreba Alfontso X.ak lagundu ziolarik, Blanka Frantziakoak bere neba Felipe III.a Frantziako erregearen laguntza eskatu zuen, zeina Gaztelako erreinua inbaditzeko prest egon zen.
Handik gutxira, Blanca Frantziakoak eta Aragoiko amaginarreba Violante Aragoikoak, Alfontso X.a Jakitunaren emazteak, Gaztelatik alde egin zuten. Gaztelako Violante erreginaren neba zen Petri III.a Aragoiko erregearen babesa eskatu zuten, zeinak handik aurrera Aragoiko Erresumako de la Cerda Infanteen eskubideak defendatu zituen. Aragoiko erreinuko Xátiva gazteluan gatibutasunetik gertu mantendu zituen. Handik gutxira, Blanka Frantziara joan zen, Felipe III.a bere nebarekin, eta Frantziako gortean hartu zuen ostatu. Parisen hil zen 1320. urtean.
Ezkontza eta ondorengoak
1269an ezkondu zen Burgosen, Fernando de la Cerdarekin, Alfontso X.a Gaztelakoaren seme nagusi eta oinordekoarekin. Bikoteak bi seme izan zituen:
- Alfonso de la Cerda Jaraunsgabetua (1270-1333). Antso IV. Gaztelakoaren, Fernando IV. Gaztelakoaren eta Alfontso XI.a Gaztelakoaren erregealdietan Gaztela eta Leongo tronurako hautagaia izan zen, 1331. urtean behin betiko uko egin zion arte.
- Fernando de la Cerda (1275-1322). Larako jaun ezkontidea, Larako andrea zen Joana Nuñez Larakoarekin ezkontzeagatik.
Erreferentziak
- ↑ «Blanca de Francia | Real Academia de la Historia» dbe.rah.es (Noiz kontsultatua: 2024-08-17).
- ↑ (Gaztelaniaz) «Blanca de Francia. Toda la información sobre Blanca de Francia actualizada 2024.» lahistoria.net (Noiz kontsultatua: 2024-08-17).
- ↑ (Gaztelaniaz) «MARIA DE MOLINA: TRES CORONAS MEDIEVALES (PREMIO DE NOVELA HISTOR ICA ALFONSO X EL SABIO 2004) | ALMUDENA DE ARTEAGA | Ediciones Martínez Roca | Casa del Libro» casadellibro (Noiz kontsultatua: 2024-08-17).
- ↑ González Jiménez 2004, 209 orr. .
Bibliografia
- González Jiménez, Manuel (2004). Alfonso X el Sabio (1. edizioa). Barcelona: Editorial Ariel S. A. ISBN 978-84-344-6758-3.
- Menéndez Pidal de Navascués, Faustino (1982). Instituto Luis de Salazar y Castro (Consejo Superior de Investigaciones Científicas, ed. Heráldica medieval española: la Casa Real de León y Castilla. Volumen I. Hidalguía. ISBN 978-84-00-05150-1.
Kanpo estekak
Datuak: Q456900
Multimedia: Blanche of France, Infanta of Castile / Q456900