3:10 to Yuma (1957ko filma)
3:10 to Yuma (1957ko filma) | |
---|---|
![]() | |
Jatorria | |
Argitaratze-data | 1957 |
Izenburua | 3:10 to Yuma |
Jatorrizko hizkuntza | ingelesa |
Jatorrizko herrialdea | Ameriketako Estatu Batuak |
Banatze bidea | eskatu ahalako bideo |
Ezaugarriak | |
Genero artistikoa | Westerna eta lan literario batean oinarritutako filma |
Iraupena | 92 minutu |
Kolorea | zuri-beltzekoa |
Deskribapena | |
Oinarritua | Three-Ten to Yuma (en) ![]() |
Honen parte da | National Film Registry (en) ![]() |
Grabazio lekua(k) | Kalifornia eta Arizona |
Zuzendaritza eta gidoia | |
Zuzendaria(k) | Delmer Daves |
Gidoigilea(k) | Elmore Leonard |
Antzezlea(k) | |
Glenn Ford Van Heflin Felicia Farr (en) ![]() Leora Dana Henry Jones Richard Jaeckel (Charlie Prince (en) ![]() Dorothy Adams Ford Rainey Robert Ellenstein (en) ![]() Robert Emhardt (en) ![]() George Mitchell Richard Devon [[Kategoria:Felicia Farr (en) ![]() [[Kategoria:Robert Ellenstein (en) ![]() [[Kategoria:Robert Emhardt (en) ![]() | |
Ekoizpena | |
Konpainia ekoizlea | Columbia Pictures |
Edizioa | Al Clark |
Bestelako lanak | |
Musikagilea | George Duning |
Argazki-zuzendaria | Charles Lawton Jr. |
Jantzi-diseinatzailea | Jean Louis |
Fikzioa | |
Kontakizunaren tokia | Arizona |
![]() ![]() ![]() ![]() ![]() ![]() ![]() ![]() ![]() ![]() |
3:10 to Yuma (euskaraz Yumarako 3:10ekoa) 1957ko Delmer Daves estatubatuar zinema zuzendari, gidoigile eta ekoizleak zuzendu eta ekoiztutako western filma bat da. Elmore Leonard idazlearen izenburu berdineko Three-Ten to Yuma istorio laburrean oinarritua. Glenn Ford, Van Heflin eta Felicia Farr aktoreek antzeztu zuten.
2007an izenburu berdineko 3:10 to Yuma berregokitzapena izan zuen eta Russell Crowe eta Christian Bale aktoreek antzeztu zuten.
Argumentua
Oharra: Atal honek istorio osoa edo amaiera argitzen du.
Mendebalde Urruna. Dan Evans (Van Heflin) Arizonako arrantxero txiro eta zuzena da, ezkondua dago eta bi semeen aita ere bada. Sakabanatutako bere aziendaren bila atera denean, bera eta bere semeak Ben Wade (Glenn Ford) bidelapurrak burututako diligentzia baten erasoaren lekuko izango dira. Armarik gabe eta bestaldean dauden bere semeak zaurituak edo hilak suertatu ez daitezen, Dan ez da erasoa ekiditen saiatuko eta gainera bidelapurrek euren zaldiez jabetu daitezen lagako die. Behin erasoa amaituta, oinez eta ahal duen bezala azienda bildu eta etxera itzuliko da. Lehortea gogor jotzea ari da eta Dan Evans diru premian dago. Bere emaztearen (Leora Dana) aholkuei jaramon egin eta diru kreditu baten bila Bisbee hirira joango da. Bidean, Ben Wade bidelapurra ingurumarian dabilela ohartuko da.
Wadenek herrian Emmy (Felicia Farr) tabernari ederrarekin nesketan egiten saiatzean atxilotu egingo dute. Halere, herritarrek Wadenen gizonak bertaratu eta euren buruzagia askatzeko ahaleginean mendekuz burutu ditzaketen liskar eta txikizioen beldurrez daudenez, Waden bidelapurra Contention City herrira eramatea erabakiko dute, horretarako presoak betiere zaintzapean Yumarako 3:10eko trena hartu beharko du.
Baina Waden zaintzeko lan eskerga ez du inork egin nahi, hortaz, lanbide arriskutsu horretarako boluntarioei 200 dolarreko diru saria eskainiko zaie. Boluntario bakarrak lehortearen ondorioz estualdi ekonomikoan eta erabat etsiturik dabilen Dan Evans bera eta herriko mozkortia den Alex Potter (Henry Jones) aurkeztuko dira. Beste inor aurkezteko ausartzen ez dela ikusirik, herriko marshallak (Ford Rainey) biei Yumarako 3:10eko trena iritsi arte Wade zaintzeko betebehar arriskutsuaren ardura emango die.
Aktoreak
- Glenn Ford: Ben Wade
- Van Heflin: Dan Evans
- Felicia Farr: Emmy
- Leora Dana: Alice Evans
- Robert Emhardt: Butterfield jauna
- Ford Rainey: Bisbeeko marshalla
- Henry Jones: Alex Potter, mozkorti ausarta
- Richard Jaeckel: Charlie Prince
- George Mitchell: Mac
- Robert Ellenstein: Ernie Collins
- Woodrow Chambliss: errementaria (krediturik gabe)
Kanpo estekak
- 3:10 to Yuma filmaren IMDBko fitxa irakurgai (Ingelesez)
- 3:10 to Yuma filmaren trailer edo iragarkia ikusgai. Youtube.com (Ingelesez)
Datuak: Q247130
Multimedia: 3:10 to Yuma (1957 film) / Q247130